СВР Скопје до ОЈО Скопје поднесе кривична пријава против 14-годишен малолетник за сторено кривично дело предизвикување општа опасност, предвидено и казниво по член 288 од КЗ.

Имено, пријавениот, заедно со уште две деца, кои не наполниле 14 години и не подлежат на кривична одговорност, на 3.9.2024 околу 15 часот, во местото наречено Расадник, на територијата на општина Кисела Вода во Скопје, фрлале пиротехнички средства, кои претходно ги запалиле со запалка по што се запалила сувата трева и избувнал пожар, кој зафатил површина од речиси три хектари.

Со брзата реакција на полициски службеници од СВР Скопје, во координација со други служби, пожарот е локализиран и спречено е настанување штета од големи размери.