Американската манекенка, 50-годишната Тајра Бенкс го најави своето враќање на долгоочекуваната ревија на Викторија Сикрет, која ќе се одржи на 15 септември во Њујорк. Таа веста ја објави преку видео на Инстаграм на кое се појавува и Џиџи Хадид.
Видеото започнува со снимка на Тајра одзади, додека Џиџи Хадид се гледа како шета низ лобито на хотелот. Џиџи оди до рецепцијата и ѕвони, но Тајра не се врти веднаш затоа што ги гледа поканите за модната ревија. Една од поканите го покажува името на Тајра, а откако Џиџи повторно ќе заѕвони на ѕвончето, Тајра се врти кон камерата.
View this post on Instagram
Тајра ѝ ја дава на Џиџи поканата и ѝ вели: „Се гледаме таму“. Џиџи потоа се упатува кон излезот, но за момент се свртува кон Тајра и шепоти дека ја сака.
Тајра Бенкс се појави на девет ревии за овој бренд, а последната беше во 2005 година.
Џиџи Хадид учествуваше на три модни настани, по што ревијата на Викторија Сикрет беше откажана.
Шоуто се одржуваше од 1995 до 2019 година, но беше прекинато поради критиките дека нивните производи и модели не се доволно инклузивни.
Минатата година модната ревија се врати во форма на специјална емисија на Prime, прикажувајќи повеќе различни модели и облека.
Сега Викторија Сикрет се враќа во својот традиционален формат, ветувајќи дека на фановите ќе им го даде токму она што тие го сакаат. „Гламур, ревија, мода, забава, крилја“, нагласи портпаролот на брендот.
