Иран би можел да објави дека има нуклеарно оружје „до крајот на годината“, изјави претседателот на Комитетот за разузнавање на Претставничкиот дом на САД, Мајк Тарнер.

„Постои можност, со напредокот постигнат според политиката на претседателот Џозеф Бајден, Иран да се прогласи за држава со нуклеарно оружје до крајот на годината“, изјави Тарнер за „CBS News“.

Државите со нуклеарно оружје се земји за кои е познато дека поседуваат нуклеарно оружје, објавија САД.

Иран негираше дека има програма за развој на нуклеарно оружје, но неговиот врховен водач Али Хамнеи рече дека светските лидери не можат да го спречат Техеран да ја има доколку сака.

Запрашан дали коментарите на Хамнеи го „променија неговиот заклучок“ за иранската нуклеарна способност, Тарнер одговори: Не.

Изјавата на републиканецот од Охајо, дојде неколку дена откако поранешниот претседател Доналд Трамп изјави за време на предизборниот митинг дека, доколку биде реизбран, „не сака да биде лош за Иран“, но „ќе се погрижи тие да немаат нуклеарно оружје“.