Украина претходно објави дека стигнала до градот Суџа, а украинската државна телевизија утринава објави снимка на која се гледа како војниците го отстрануваат руското знаме од зграда во градот.

Но, рускиот командант, генерал-мајор Апти Алаудинов, вели дека украинската армија нема целосна контрола врз градот.

„Непријателот е околу градот и во некои негови делови. Секојдневно се водат битки. Украина не го контролира целосно Суџа“, рече Алаудинов, пренесе руската државна новинска агенција ТАСС.

Агенцијата го цитираше и началникот на округот Суџа, каде што се наоѓа Суџа, кој рекол дека украинското гранатирање на областа привремено се смирило.