Воени авиони на германското воено воздухопловство, заедно со нивните шведски колеги, вчера реагираа на приближувањето на руските воени авиони во близина на границата со Латвија.

Германските и шведските авиони беа распоредени во меѓународниот воздушен простор над Балтичкото Море поради присуството на руски борбени авиони кај брегот на Латвија, кои првично беа неидентификувани, пишува Билд.

Два германски борбени авиони Еурофајтер и два шведски авиони полетале како мерка на претпазливост за да воспостават контакт со руските пилоти додека летале кон Летонија.

Руските авиони летале како дел од вежби кои вклучувале и руски бродови.

Според портпаролот на германското воено воздухопловство, на руските авиони им биле исклучени транспондерите, а пилотите не реагирале на радио повиците.

Понатаму, планот на летот на авионот не бил однапред соопштен, како што е вообичаено во регионот на Балтичкото Море.

Претходно беше објавено дека два стратешки бомбардери Б-52Х на американските воздухопловни сили пристигнале во Романија и за прв пат ќе бидат распоредени од таа земја.

Во јули, фински и шведски пилоти пресретнаа руски борбени авиони над Балтичкото Море.