Шефот на Светската здравствена организација (СЗО) Тедрос Аданом Гебрејесус денеска потврди дека во Газа е откриено присуство на полиовирус и предупреди дека децата во таа зафатена од војна енклава наскоро ќе бидат заразени доколку брзо не се преземат превентивни мерки.

Еден ден откако СЗО објави дека е голема веројатноста да има случаи на детска парализа кај населението во Газа, директорот на таа организација изрази загриженост на Платформата Х за цената на конфликтот меѓу Израел и Хамас за човечки животи, пренесува Ројтерс.

Тој посочи дека присуството на полиовирусот во Газа зборува за ужасните услови со кои се соочува тамошното население.