Американската пратеничка од Вирџинија Џенифер Векстон користеше програма за вештачка интелигенција (АИ) за да се обрати синоќа пред Претставничкиот дом на американскиот Конгрес, јавува Би-Би-Си.

Пред една година и била констатирана говорна мана поради супрануклеарна парализа што го отежнува говорот.

Програмата за вештачка интелигенција ѝ овозможи на Векстон да создаде клон на нејзиниот глас користејќи стари снимки од настапи и говори што ги одржала во Конгресот. Векстон е првата личност која зборува во Конгресот со глас создаден од вештачка интелигенција.