Францускиот претседател Емануел Макрон изјави дека владата во заминување ќе остане на функција до средината на август додека Франција е домаќин на Олимпијадата, отфрлајќи го обидот на левичарскиот сојуз да наметне нов премиер.

Француската левичарска коалиција Нов народен фронт, која освои најмногу места во парламентот на изборите овој месец, но не и мнозинство, вчера објави дека ќе го номинира експертот за финансиски криминал Луси Кастес за свој премиерски кандидат.

„До средината на август не сме во позиција да ги промениме работите, бидејќи тоа би создало хаос“, рече Макрон.

Олимписките игри во Париз, кои се одржуваат од петок до 11 август, се голем логистички и безбедносен предизвик за Франција, со 35 спортски сали и околу 10.500 спортисти.