Во новите напади на израелските сили во градот Кан Јунис во јужниот дел на Појасот Газа загинаа десетици Палестинци, меѓу кои и жени и деца, објавија медицинските служби.

Армијата го нападна источниот дел на градот при што, според неофицијални информации, се убиени најмалку 39 Палестинци, додека 80 се повредени.

Израелската армија претходно ги повика жителите во источниот дел на градот веднаш да ја напуштат областа. Воени извори тврдат дека членовите на Хамас од таму извршуваат ракетни напади врз Израел. Армијата ќе преземе одлучни мерки против овие дејствија, а може да бидат опасни и за цивилите, објави армијата на Телеграм.