Американските медиуми јавуваат дека се водат преговори за потенцијална промена на локацијата на една НБА организација. Станува збор за славните Севентисиксерси, поранешни шампиони на најсилната лига во светот, кои моментално настапуваат во „Велс Фарго центарот“ во Филаделфија. Медиумите од сојузната американска држава Њу Џерси наведуваат дека група фнансиери имата серизна намера да ја преселат фрашизата во градот Камден.

Њу Џерси нема тим во НБА од 2012 година, кога Њу Џерси Нетс се пресели во Бруклин.

Како што се очекуваше, ваквите вести предизвикаа ерупција на негативни критики од навивачите на Сиксерс, а евентуалната преселба на франшизата од Филаделфија во Камден би поставил вистински преседан.

Покрај преселбата во далеку помал град и помал пазар, за прв пат во историјата на НБА би можело да се случи успешен тим кој ја менува локацијата.

Слично нешто се случи дури во 1960 година, кога Минеаполис Лејкерс се преселија во Лос Анџелес.

Оваа франшиза е основана во 1946 година под името Сиракјуз Нешналс, а се натпреварува во НБА од 1949 година. Во 1963 година, тимот се пресели од државата Њујорк во Пенсилванија, во градот Филаделфија, и го промени своето име во Филаделфија Севентисиксерс.

Тие се трикратни НБА шампиони (1955, 1967 и 1983 година), за кои во својата богата историја играле кошаркарски великани како Долф Шејс, Хал Грир, Вилт Чембрлен, Џулиус Ирвинг, Мозес Мелоун, Чарлс Баркли, Ален Ајверсон…