По Лука Модриќ, уште еден ветеран го продолжи договорот со Реал Мадрид. Лукас Васкез ќе игра уште најмалку една сезона во дресот на актуелниот европски шампион.

Иако не беше стандарден во првиот тим, Анчелоти инсистираше да остане, како прва замена за Дани Карвахал на десен бек.

Ова ќе биде десетта сезона за Васкез во „кралскиот клуб“. За Реал одигра 339 натпревари и освои вкупно 21 трофеј.