Во Лозница е убиен полицаецот Никола Крсмановиќ (34), а полицаецот Вјекослав Илиќ (50) е ранет во рамото.

Во нив неофицијално пукал Хајзири Артан (33). Полицијата започнала потрага по него.

„Ноќеска, околу 00:55 часот во Лозница, при контрола на возило на пункт, полициски службеници од Граничната полициска станица Трбушница запреле мерцедес во кој имало две лица“, изјави српскиот министер Ивица Дачиќ.

Никола Крсмановиќ

При излегувањето од возилото, едно лице пукало од пиштол, погодувајќи го полицаецот Никола Крсмановиќ (34) во градите и полицаецот Вјекослав Илиќ (50) во рамото, по што побегнал.

На лице место полицијата го пронашла пасошот на осомничениот, издаден од институции во Косово на име Хајзири Артан (33), извести Дачиќ, пренесуваат српските медиуми.

Хајзири Артан

Српската полиција интензивно трага по напаѓачот, на терен се полициски службеници од полициската управа Шабац, како и Управата за криминалистичка полиција, Управата за гранична полиција и припадници на Специјалната антитерористичка единица, подигнати се беспилотни летала и хеликоптери.

Истрагата на вишиот јавен обвинител од Шабац и припадници на полицијата е во тек.

„Во име на МВР и од мое лично име упатувам најдлабоко сочувство до семејството на убиениот полицаец“, рече Дачиќ.