Претседателот на Европскиот совет, Шарл Мишел, денеска го критикуваше унгарскиот премиер Виктор Орбан за неговата изјава дека ЕУ има „провоена“ позиција во Украина, наведувајќи дека Орбан нема мандат да води разговори за тој конфликт во име на Унијата.

„Ротационото претседателство со Советот на ЕУ нема улога во претставувањето на Унијата на меѓународната сцена и нема мандат на Европскиот совет да се ангажира во име на Унијата“, рече Мишел во писмото до Орбан, до кое Ројтерс имаше пристап.