Попладнево падна дрво во близина на „Веро Џамбо“, како резултат на силниот ветер.

Од УХМР апелираа за внимание од појава на пороен дожд, грмежи и силен ветер над 70 километри на час.

Според предупредувањата на управата, во текот на вечерните и ноќните часови ќе има потреба од внимателност во повеќе региони, како и внимателно движење покрај помалите реки и суводолиците и места каде има опасност од одрони и свлечишта.

– Попладнево и во текот на ноќта на повеќе места ќе биде нестабилно со пороен дожд и грмежи. Локално ќе има невреме со интензивен пороен дожд, силен ветер (над 70 km/h) и појава на град. Максималната температура ќе биде во интервал од 27 до 35 степени, информираа од УХМР.