Фатмир Битиќи од СДСМ ја искритикува новата Влада и рече дека никој од нив не им помогнал на граѓаните во Полошкот регион погодени од силното невреме во неделата.

„Дали некој од Владата се појави да им помогне на граѓаните во Полошкиот регион погодени од невремето во неделата? Не?! Изгледа ладовините во Штип и вилата на Водно се нивната идеја за “рамномерен” регионален развој. Многу ветувања за фуриозен почеток но слаба реализација“, напиша Битиќи на ФБ.

Поплавени куќи, подруми, гаражи, улици, паднати дрвја, оштетени автомобили, фасади се последиците од силното невреме со ветер, дожд и град, коешто го зафати Скопскиот и Полошкиот регион во неделата. Стотици граѓани пријавија штети на домовите, возилата, инсталациите за електрична енергија, а поплавени беа и градинки, болници и други објекти.