Израелската армија објави дека осум членови на израелските одбранбени сили (ИДФ) се убиени денеска во борбите во Појасот Газа, со што вкупните израелски борбени загуби од почетокот на копнената офанзива на 20 октомври изнесуваат 154 припадници.

Министерството за здравство, кое е под контрола на Хамас, објави дека од почетокот на израелската копнена офанзива во Појасот Газа, повеќе од 20.000 Палестинци се убиени, а 53.000 луѓе се ранети, како и дека само претходниот ден уште 201 луѓе загинале, а 368 биле ранети.