Фатиме Фетаи, Лидија Раичевиќ и Љупчо Коцевски се тројцата јавни обвинители, кои аплицираа за функцијата Јавен обвинител на Република Северна Македонија, извести денеска на прес-конференција, претседателката на Совет на јавни обвинители, Душица Димитриеска.

Како што објасни Димитриеска, барањето за давање на мислење е пристигнато во Советот на јавни обвинители, рокот по Закон е 15 дена, за Советот да даде образложено мислење, позитивно или негативно, во писмена форма за секој од кандидатите којшто се пријавени и којшто ги исполнуваат условите согласно со Закон.

Советот по разгледување на барањето треба да го даде своето мислење до Владата.