Земјите од НАТО се договорија Украина да не стане членка на Алијансата следната година, изјави денеска унгарскиот министер за надворешни работи Петер Сијарто, по дводневниот состанок на министрите за надворешни работи на земјите членки на Северноатлантската алијанса во Брисел.

– Сојузниците јасно ставија до знаење дека во сегашните околности не доаѓа предвид Украина да стане членка на НАТО. Затоа, денес на сите им стана очигледно дека Украина нема да биде поканета во НАТО ниту до следниот самит, ниту на следниот самит, и покрај тоа што НАТО ќе ја прослави својата 75-годишнина на следниот самит, кој ќе се одржи во Вашингтон, изјави Сијарто по средбата во Брисел, пренесува ТАСС.