Ние не сме ни свесни за целото историско и погубно значење на оваа пресуда. Затоа опозицискиот лидер се згрозува од чин на гнев против неправда и кршење уставни права во собрание и како папагал ветува „питома власт“ (демек, тие ќе владееле питомо и културно). На главите на овие луѓе се урна секоја помисла за протест и во собранието и надвор од него – а знаеме дека и пред тоа едвај и да постоеше.

И сега кога направија потсмев со кривичноправниот систем, најмалку што можат (и мораат) да го сторат е ослободувањето на овие луѓе кои без основа ги нарекоа терористи, а терористите со „чист образ“ се’ уште тероризираат.