Почина Џорди Вокер, гитаристот на групата „Killing Joke“ како што објави бендот на социјалните мрежи. Тој имаше 64 години.

„Со голема тага потврдуваме дека во 6:30 часот на 26 ноември 2023 година во Прага, легендарниот гитарист на „Killing Joke“ Кевин Вокер почина од мозочен удар, опкружен со своето семејство. Ние сме уништени. Почивај во мир брат“, се вели во соопштението на бендот.

Роден како Кевин Вокер во Англија во 1958 година, го доби прекарот „Geordie“ поради неговиот североисточен акцент. Тој се приклучи на „Killing Joke“ во 1979 година, одговарајќи на огласот поставен од вокалистот Џез Колман, и оттогаш останува во бендот. Тој и Колман беа единствените двајца постојани членови на „Killing Joke“ четири децении.

Откако Вокер се приклучи на „Killing Joke“, групата го издаде својот истоименуван деби албум во 1980 година.

„Killing Joke“ одигра голема улога во музиката во следните четири децении музика, со бендови како Металика и Нирвана.