Снегот што паѓа во Црна Гора предизвика колапс во сообраќајот на делницата од автопатот „Принцес Ксенија“ што ги поврзува Подгорица и Колашин.

На местото на настанот веднаш излезе колона со снежни машини за што поскоро нормализирање на сообраќајот.

– Снегот паѓа толку силно што не се гледа прст пред око. Снегот за среќа не ги изненади патниците, па наскоро ќе ја поминеме критичната точка и ќе стигнеме до Подгорица – изјави за агенцијата РИНА Ненад Ристовиќ од Пријепоље.

Освен на автопатот снег падна и на повисоките точки на северот на Црна Гора, но сообраќајот се одвива без поголеми проблеми.

Највисока снежна покривка во моментов има во Жабљак, каде во некои делови е висока и до половина метар.

Главните сообраќајници засега се проодни, а целата механизација е на терен.