Министерот за внатрешни работи Оливер Спасовски при посетата на новиот објект на полициската станица од општа наделжност Аеродром, истакна дека очекува лицата кои се занимаваат со криминал да бидат ставени на црната листа на САД, откога вчера беа додадени, мајката на Орце Камчев, Ратка Куноска Камчева, рускиот бизнисмен Сергеј Самсоненко и неговата сопруга Ирина.

– Очекувам дека и други лица кои се занимаваат со криминал, кои не придонесуваат за борба против корупцијата, оние кои направиле огромно богатство, биле судени, одлежале казна затвор, нормално е да се санкционираат на секој можен начин, рече Спасовски.

Тој додаде дека очекува дебата во Владата во овој контекст и дека ќе се донесат одредени конкретни мерки.

„Очекувам да се создаде законска можност ваквите компании да не можат да учествуваат на јавни набавки, во кој што ќе се исплаќаат државни пари. Преку една дискусија ќе мораме да воведеме нормативни мерки кои ќе ги тангираат ваквите лица“, додаде Спасовски.