Дваесет и четиричасовна драма се одвива во провинцијата Бранденбург. Германскиот веник „Билд“ пишува дека се’ започнало вчера околу 13 часот и 45 минути кога вооружен маж се забарикадирал во куќата со мајката на детето и пукал во полицијата.

Полицијата се обидела да упадне во куќата нешто по 16 часот, но мажот пукал кон нив. Мажот испукал дури 15 истрели во куќата. Што се крие зад пукањето се’ уште е нејасно. Во пукањето полицајците не се повредени, како што пренесува „Билд“, полицијата се уште е во куќата.

Мајката и детето успеале да побегнат.

„Билд“ пишува дека мажот се заканил дека ќе ја разнесе куќата доколку полицијата му пријде. Затоа и поставил мини, а германскиот весник јавува и дека во домот човекот држи неколку огнени оружја. Од полицијата не сакаа да ги коментираат информациите на „Билд“.

Причина на инцидентот, наводно, е спор околу старателството над децата. Еден од соседите на мажот кој разговарал за „Билд“ вели дека слушнала истрели по пладне.

„Го познавам човекот, живеам на 20 метри од него. Тој живееше тука неколку години, секогаш беше пријателски настроен и никогаш не беше непријатен. Партнерката му раскина и го зеде детето со себе. Не затворив око синоќа, полицијата беше насекаде околу 12:30 часот слушнав 30-тина истрели“, коментира соседот.

Германската полиција за „Билд“ потврди дека вечерва дошло до размена на оган меѓу мажот и полицајци, но дека нема повредени.