Најмалку еден ученик е повреден во пукање во училиште во германскиот град Офенбург.

Осомничениот за пукањето е уапсен, а на терен се голем број полицајци, пишува „Бил“.

„Осомничениот е уапсен во рамките на голема акција во училиште во Офенбург. Станува збор за младо лице“, соопшти полицијата.

Ученикот е осомничен дека со огнено оружје ранил соученик.

Над училиштето кружат четири хеликоптери.

„Учениците во моментов се во училниците заради нивна безбедност“, соопшти полицијата.

Според медиумите, еден ученик е повреден.

Полицијата околу пладне пристигнала во училиштето и извршила претрес во просториите во потрага по евентуални дополнителни сторители или сомнителни предмети.

Тоа е специјално училиште за деца со потешкотии во учењето.