Читателите на магазинот за патувања „CN Traveler“ ставија еден италијански град на прво место оваа година – Сиена, еден од бисерите на Тоскана.
Тосканскиот скапоцен камен, според написите, е одлична дестинација, со жива атмосфера и прекрасни готски градби. Има многу кафулиња, семејни ресторани, а градот е познат по годишниот Палио, коњска трка без седла што се одржува секое лето на Пјаца дел Кампо. Историскиот центар на градот, УНЕСКО го смета за место со „извонредна универзална вредност“, а локалното население, е познато по топлото добредојде.
На второ место е ирскиот град Корк, шармантен центар во срцето на прекрасното село на округот Корк, кој вреди да се посети ако сакате храна и прекрасни уметнички галерии, пренесува медиумот.
Според написите, всушност, Ирците се познати по нивната дружељубивост низ целиот свет, па не е изненадување што Даблин е рангиран како трет најпријателски град во Европа.
„Од одлични пабови во кои зоврива атмосферата, до виолини кои свират по улиците, јасно е дека Даблин е едно место каде навистина можете да ги запознаете локалните жители“. Покрај тоа, една атракција во градот штотуку е прогласена за најдобра во Европа од страна на „World Travel Awards“.
Шпанија исто така има добри резултати, според медиумот, а на листата на најпријателски градови во Европа се најдоа и Малага и Сан Себастијан.
Во првите десет е и Белград, кој го зазеде петтото место на листата, како и Букурешт, Љубљана и Дубровник.
На листата се наоѓаат: 1. Сиена, Италија; 2. Корк, Ирска; 3. Даблин, Ирска; 4. Хелсинки, Финска; 5. Белград, Србија; 6. Малага, Шпанија; 7. Сан Себастијан, Шпанија; 8. Дубровник, Хрватска; 9. Букурешт, Романија; 10. Љубљана, Словенија.
