Привршуваат квалификациите за пласман на ЕП. Во наредните два дена ќе заврши октомврискиот циклус, а последните две рунди ќе се одиграат во ноември.

Досега седум репрезентации обезбедија место на завршниот турнир во Германија.

Покрај домаќинот Германија, кој веќе е сигурен учесник, на ЕУРО се пласираа и Белгија, Франција, Португалија, Шпанија, Шкотска и Турција.

Шпанија и Шкотска се сигурни од А групата и покрај тоа што фо крајот има да одиграат уште два натпревари.

Франција и Португалија без пораз со максимален број на поени се пласираа на ЕУРО во петокот. Франција од Б, а Португалија од Ј групата.

Белгија е сигурна од групата Ф, пред Австрија и Шведска, а Турција обезбеди едно од првите две места во групата Д, во конкуренција со Велс и Хрватска.

Само чудо може да ја спречи Албанија да се пласира од групата Е и Унгарија од групата Г.

Данска од групата Х, Англија од групата Ц, Австрија од групата Ф и Чешка од групата Е се многу блиску до пласман на завршниот турнир.