Десетици израелски воени авиони нападнаа повеќе од 200 цели во Газа во текот на ноќта, соопштија израелските одбранбени сили (ИДФ).

Целите биле во населбите Римал и Кан Јунис во густо населената крајбрежна енклава, од каде, според ИД, дошле голем број напади врз Израел.

Во соопштението се додава дека била нападната инфраструктурата во Кан Јунис, складиштето за оружје на милитантите на Хамас лоцирано во внатрешноста на џамијата и „оперативната терористичка инфраструктура што ја користат терористичките оперативци на Хамас“, пишува Би-Би-Си.

Исто така, биле погодени бројни резиденции на оперативците на Хамас, како и оперативниот команден центар на Хамас лоциран во внатрешноста на џамијата.

Според палестинското Министерство за здравство, досега во бомбашките напади загинале најмалку 687 луѓе, меѓу кои десетици деца и жени, а илјадници се повредени.

Голема израелска офанзива, како што е копнена инвазија на Газа, се очекува нашироко.