Околу 50 израелски заложници држат Хамас во близина на границата со Газа, објави израелскиот канал N12, а сега тоа го потврди и израелската армија.

Портпаролот на армијата рече дека се точни информациите дека Хамас држи заложници во Газа. Станува збор за израелски цивили и војници. Сепак, тој не кажа за колку Израелци станува збор.

Додаде дека меѓу израелските одбранбени сили има загинати, но се’ уште ја немаат точната бројка.

Израелските власти ги демантираат информациите дека меѓу заложниците е и израелски генерал, додека заменик лидерот на Хамас, Салех тврди дека се заробени високи офицери на израелската армија.