Полицијата во Индијана присуствувала на страшен настан, кога пронашла крваво бебе кое било изедено од стаорци. Родителите и тетката на бебето се уапсени и обвинети за негрижа.
Како што објави Мирор, бебето имало рани по целото лице и тело, а според извештаите му недостигале неколку прсти од десната рака.
Лекарскиот преглед откри повеќе од 50 каснувања на челото, образот, носот, бутот, стапалото и прстите. На детето му била потребна трансфузија на крв, а биле извршени и операции за реконструкција на лицето на бебето.
Dad of baby boy gnawed by rats claimed his temper goes ‘from zero to prison’ https://t.co/Hll46GSxns pic.twitter.com/tCXyheRa78
— New York Post (@nypost) September 22, 2023
Полицијата соопшти дека куќата во која било пронајдено бебето била полна со ѓубре и измет од стаорци. Според полицаецот Дејвид Шоенабаум, стаорци биле забележани во куќата уште во март.
Одделот за детски услуги во Индијана, наводно, го посетил семејството на 5-ти септември. Родителите тогаш рекле дека трагите на прстите на бебето најверојатно биле само гребнатини од рамката на креветот.
Подоцна беше откриено дека против двојката биле поднесени неколку случаи.
Полицискиот наредник Ана Греј изјави за медиумите дека ова е еден од најлошите случаи на запоставување на децата што ги видела во нејзината децениска полициска работа.
„Навистина е тешко да се види тоа и да се задржи присебноста и да се биде професионален“, рече Греј.
