Маж од американската држава Кентаки починал откако бил нападнат од рој пчели на неговиот преден трем од куќата.

Мајкл Алфорд (59) починал минатиот понеделник додека преместувал вреќа со земја, од која излетале рој пчели кои биле вгнездени во вреќата. Иако членовите на неговото семејство веднаш дошле и почнале со реанимација, несреќниот човек не можел да се спаси.

Алфорд бил прогласен за мртов кратко време откако болничарите пристигнале на местото. Инспекторите утврдиле дека причина за неговата смрт е неможноста да дише поради убодите од пчелите.