Вчера попладен во 15 часот и 30 минути и 16 часот и 55 минути, полициски службеници на СВР Тетово ги лишиле од слобода 33-годишниот Б.И. и 60-годишниот И.И. од тетовски Порој, извести СВР Тетово.

– Тие се сомничат дека на улица „Фуштанска“ во Тетово пукале од оружје. Притоа, од Б.И. одземен е пиштол „Зораки“ калибар 9 милиметри и тој е задржан во Полициската станица Тетово за расчистување на случајот, велат од СВР Тетово.

Подоцна, околу 19 часот и 40 минути, од 53-годишен жител на тетовско село биле одземени за вештачење пиштол „ЦЗ“ со рамка калибар 9 милиметри и пиштол „Тангфолио“ со рамка, исто така, калибар 9 милиметри, а поради сомнение за негова инволвираност во предизвикување општа опасност на истата улица.