– Празничниот ден на програмата на „Охридско лето“ резервиран за Италијанската вечер, со најпознатите светски арии во изведба на тенорот Џани Лечезе во пијано-придружба на маестро Екланд Хаса.
Лечезе е ученик на Вилијам Матеуци и Леоне Магиера. Џани Лечезе дебитира во операта „Палјачи“ од Р. Леонкавало во театарот во Пиза, по што настапува со истата улога во Гросето, Пескара, Витербо, во рамки на театарските сезони и на фестивали. Неговата интернационална кариера го води на концерти и изведби на оперски претстави во Кина, Индонезија, В. Британија, Грција, Египет, Франција, Чешка, Полска, Јапонија, Кипар, Романија и Бугарија каде неговите изведби се проследени со позитивни одгласи од стручната критика и од публиката.
Соработувал со некои од најголемите оперски ѕвезди на денешницата како Катја Ричарели, Џанфранко Цечеле, Лео Нучи, Карло Коломбара, Пипо Баудо и Пјетро Бало. Настапувал во повеќето италијански оперски куќи во Модена, Реџо Емилија, Бари, Трст, Равена, Косенца, Лече како и во театрите во Вроцлав, Плзен, Ница, Варна, Крајова, Каиро итн. Соработувал со истакнати диригенти исполнувајќи улоги во „Травијата“, „Риголето“, „Тоска“, „Боеми“, „Џани Скики“, „Кавалерија Рустикана“, „Палјачи“, „Мефистофел“, „Симон Боканегра“, „Така прават сите’“, „Набуко“, „Бал под маски“, „Мадам Батерфлај“, „Кармен“, „Приказна од западната страна“, како и концертни изведби на Моцартовиот „Реквием“, Стабат Матер од Траета, „Мала миса“ од Росини…
Во 2011 година е добитник на наградата „Тенор на новата генерација“ од Фондацијата на Арена ди Верона. Во 2018 година Лечезе е поставен за уметнички директор на фестивалот на отворено на сцената на Театарот „Каве ди Фантиано“ во Пулиа, Јужна Италија.
Пијанистот Екланд Хаса е роден во Тирана, каде што учел во уметничкото училиште „Јордан Мисја“ и Академијата за ликовни уметности. Стекнал различни специјализации во Италија и Германија, а меѓу неговите учители можеме да вклучиме имиња како што се Нихал Хакиу, Пранвера Чауши Кхорџи, Анита Тартарие и Лудвиг Хофман.
Наградуваниот оло пијанист во театарот за опера и балет во Тирана, решава да ја напушти Албанија во пострежимскиот период, преселувајќи се во Јужна Италија. Од 1995 година свири како солист и придружник на оперски пејачи во Театро Верди во Маргера, Театро Политеама Греко, Ла Фениче, Тито Шипа, Паисиело, Маскањи и многу други. Од 2000 година станува уметнички директор на Accademia Lirico – Pop „Albano Carrisi”, започнувајќи ја турнејата како пијанист што го однела во САД, Канада, Москва, Узбекистан, Бугарија, Романија, Шпанија, Франција, Малта, Германија, Холандија, Белгија, Данска, Норвешка, Шведска и сè уште низ целиот свет. Соработувал со Инва Мула, Монсерат Кабале, Леонардо Грамења, Ева Големи, Маријана Лека, Емануела Ди Пјетро (директор на оперскиот хор во Лече), Армалдо Клоѓери и со различни уметници од различни музички жанрови. Во 2009 година беше протагонист на документарниот филм „Le note di Ekland“ на Антонио Д’Април. Неодамна, Екланд Хаса е меѓу протагонистите на документарниот филм на Есмералда Калабрија Parlate a bassa voce, фокусиран на историската и социјалната еволуција на Албанија.
Концертот ќе се одржи во катедралната црква „Света Софија“ со почеток од 21 часот.
