Ирак го осудува палењето на Куранот пред зградата на неговата дипломатска мисија во данската престолнина Копенхаген, соопшти ирачкото Министерство за надворешни работи, цитирано од британските медиуми.

Министерството ги повика властите во сите земји на ЕУ „брзо да ја преиспитаат таканаречената слобода на изразување и правото на демонстрации“.

Претходно денеска, двајца демонстранти запалија копија од Куранот пред ирачката Амбасада во Данска, ризикувајќи дополнително влошување на билатералните односи.