– Спортско – културно лето „Неготино 2023” започнува од утре, информира неготинскиот градоначалник Горан Стојанов. Тој појаснува дека во текот на наредниот летен период, како дел од предвидените програмски активности на Општината, ќе бидат организирани широк спектар на културни, спортски и други настани, што ќе придонесат за збогатување на културно – забавниот живот.

– Оваа година како дел од манифестацијата, што по втор пат ќе биде организирана во Општината, граѓаните ќе имаат можност да проследат различни културни и спортски содржини, меѓу кои повеќе турнири во различни спортови, изложби, концерти и други настани. Дел од манифестацијата ќе биде и познатата „Неготинската музичка вечер 2023”, во рамките на која ќе настапат повеќе познати музички ѕвезди, а таа ќе се одржи на градскиот плоштад на 16 септември.

Спортско-културно лето „Неготино 2023” ќе почне со натпреварите на меморијалниот турнир во мал фудбал „Крсте Велјанов 2023”.