– Се реконструира кровот на објектот во кој се сместени подрачното училиште и детската градинка во демиркапиското село Бистренци, информираше денеска градоначалникот на Демир Капија, Лазар Петров. Тој соопшти дека во тек е завршната фаза од градежните работи за реконструкцијата на кровот. Извршена е целосна замена на кровните носачи и покривните ќерамиди, реконструирана е постоечката стреа и поставени се нови олуци.

-Проектот е финансиран од буџетот на Основното општинско училиште „Димче Ангелов Габерот” и Јавната општинска установа детска градинка „Борис Трајковски”. Заеднички реализираме проекти за подобрување на условите за згрижување, воспитување и образување на нашите деца во сите населени места, додаде Петров.

Тој нагласи дека бројни проекти од различни сфери на живеењето се реализираат како во урбаните, така и во руралните средини од демиркаписка општина.