Општина Делчево го распиша конкурсот за доделување Општинска Награда за 2023 година. Пријавувањето по конкурсот по претходно определен Правилник е во траење од 30 дена започнувајќи од денес, а наградата како што информираа од Општината се доделува по повод денот на Општината 7-ми Септември
– Комисијата за доделување на награди и признанија на Општина Делчево и годинава конкурсот го распишува врз основа на претходно определен Правилник согласно кој се дефинирани начинот, условите, критериумите и постапката за доделување на награди и признанија на Општина Делчево.
Конкурсот трае 30 дена започнувајќи од ден 05.07.2023 година и трае заклучно до ден 04.08.2023 година, а предлозите за кандидати се доставуваат до архивата на Општина Делчево, за Комисијата за доделување на награди и признанија на Општина Делчево, со назнака „Предлог кандидат за доделување општинска награда“, информираа од Општина Делчево.
Општинската награда се доделува за особени достигнувања во својата област на физички и правни лица од Општина Делчево и од Република Северна Македонија.
– Наградата се доделува како знак на општествено признание за особени постигнувања од областа на стопанството, науката, уметноста, културата, воспитувањето и образованието, здравствената и социјалната заштита, спортот, заштитата и унапредувањето на животната средина и природата како и во други области на трудот и творештвото од значење за развојот на Општината и нејзината афирмација во Република а Македонија и во светот додадоа од Општина Делчево.
Право да предлагаат кандидати за Наградата имаат правни и физички лица со седиште, односно живеалиште на подрачјето на Општина Делчево. Предлогот мора да биде образложен и потпишан од предлагачот, а кога се однесува на поединци, група творци или ученици односно студенти, треба да се приложи и кратка биографија. Наградата за физички лица се состои од плакета и паричен износ, додека за правно лице од плакета.
