Македонската машка кошаркарска репрезентација до 18 години го забележа првиот триумф на Меѓународниот турнир „Боби Петковски“, совладувајќи ја во второто коло селекцијата на Црна Гора со 70-67.

Во неизвесен натпревар во вторникот вечер во салата „26 Април“ во Гевгелија, македонските кошаркари имаа минимална предност на полувремето (34-33), а и покрај осцилациите во играта во вториот дел на крајот успеаја да слават победа.

Македонските кошаркари во воведниот натпревар на меѓународниот турнир во Гевгелија во понеделникот загубија од Грција, а противник во денешното последно коло ќе им биде Израел.