Од почетокот на годината Турција екстрадирала повеќе од 46.000 илегални мигранти, покажуваат податоците кои на Твитер ги објави турскиот министер за внатрешни работи Али Јерликаја.

Според податоците, точната бројка на екстрадирани илегални мигранти за периодот од 1 јануари до 22 јуни е 46.633. Одделно во тек е екстрадициона постапка за 17.964 странци, посочи министерот.

Само во периодот од 16 до 22 јуни Турција привела 3.192 илегални мигранти и екстрадирала 1.831, покажуваат објавените податоци.