Британските медиуми објавија синоќа дека премиерлигашките клубови Челзи и Арсенал се договориле околу трансфер на германскиот репрезентативец Каи Хаверц од „Стемфорд Бриџ“ на „Емирејтс“.

Според медиумите, двата лондонски ривали постигнале договор вреден 76 милиони фунти, а за комплетирање на трансферот преостанува Хаверц да ги договори личните услови со Арсенал и да ги мине задолжителните лекарски прегледи.

Хаверц ја почна кариерата во Баер Леверкузен од каде во 2020 година се пресели во лондонски Челзи.

Дваесетичетиригодишниот Хаверц во дресот на Челзи одигра 91 натпревар и постигна 19 голови.