Британскиот тенисер Енди Мареј стана победник на Челинџер турнирот во Нотингем.

Во финалниот меч Британецот викендов го победи Французинот Артур Казо со резултат 6:4, 6:4.

Ова е втора последователна титула за Мареј. Минатата недела 36-годишниот тенисер победи на тревниот Челинџер во Сурбитон.

Од утре, освојувачот на три Грен слем турнири ќе се врати во топ 40 на светската АТП ранг-листа. Мареј ќе се искачи на 38. место.