Доколку денеска се одржи референдум за влез на Србија во Европската Унија, „за“ би гласале 33 отсто од граѓаните, а исто толку би гласале „против“, покажува последното истражување на јавното мислење спроведено од Демостат, пренесе Бета.

На референдумот не би излегле 17 отсто од граѓаните, додека исто толку од испитаниците не знаат или немаат одговор на прашањето како да се изјаснат за влез на земјата во ЕУ.

„Сега, судејќи според теренското истражување на Демостат на репрезентативен примерок од дури 1.600 граѓани на територијата на цела Србија, кое беше спроведено на крајот на април и почетокот на мај, изедначен е бројот на оние кои се „за“ и оние што се „против“ (евроинтеграциите), наведуваат од Демостатус.

Претходното теренско истражување на јавното мислење, спроведено од Демостат во декември минатата година во Белград, покажа дека 30 отсто од граѓаните се за влез на Србија во ЕУ, додека нешто поголем број граѓани, 31 отсто, биле против. Речиси 40 отсто од граѓаните тогаш најавија апстиненција или не одговориле на прашањето. с