Рускиот претседател Владимир Путин нареди зголемено гранично обезбедување за да се овозможи брзо движење на руската војска и цивили во украинските области кои сега се под контрола на Москва.

Во пораката по повод Денот на граничната стража, Путин рече дека нејзина задача е сигурно да ги покрие линиите во близина на борбената зона.

Интензитетот на нападите во Русија е зголемен во последните недели, главно преку напади со беспилотни летала во областите долж границата со Украина, но и понатаму во Русија, вклучително и вчера, против нафтоводот северозападно од Москва.

„Неопходно е да се обезбеди брзо движење на воени и цивилни автомобили и товарни возила, вклучително и храна и хуманитарна помош од градежни материјали испратени до новите субјекти на Руската Федерација“, рече Путин во пораката поставена на каналот на Кремљ на апликацијата Телеграм.

Областите Херсон, Запорожје, Луганска и Доњецк се четирите региони во Украина кои Путин ги прогласи за анектирани од Русија минатиот септември по референдумите кои Киев ги опиша како пародија. Руските сили само делумно ги контролираат четирите области.