Во петок на 6 ноември во Младинскиот културен центар во Скопје ќе се одржи осмото издание на Андерфест, фестивал кој ја промовира алтернативната музика и новите музички имиња на домашната сцена.

Програмата оваа година ги обединува Мамут, Корка, Eurokrem и Replays од Roma Rock School, Princess Donatsu, Крул, Гној и Фанк Шуи. Различните музички стилови и препознатливиот звук на изведувачите ветуваат динамична фестивалска вечер за љубителите на алтернативната музика.

Со осмото издание, Андерфест продолжува да создава простор за домашните бендови и да ја поврзува публиката со разновидната музичка сцена.

Фестивалот ќе се одржи на 6 ноември 2026 година во МКЦ – Скопје. Покровител на фестивалот се Министерство за култура, општина Центар и Скопско Смут.