Израелскиот претседател Исак Херцог изрази загриженост поради најавата на американскиот претседател Доналд Трамп дека САД ќе ја прекинат воената помош за Израел до крајот на годинава, две години пред истекот на важечкиот договор, пренесува Си-ен-ен.

Според договорот, Израел годишно добива 3,8 милијарди долари американска воена помош, главно наменета за набавка на американско вооружување.

„Прашањето за американската помош многу ме загрижува. И мене ме погоди како гром од ведро небо“, изјави Херцог на средбата со претставници на партијата Јашар, предводена од Гади Ајзенкот.

Трамп претходно за „Фокс њуз“ изјави дека Израел повеќе нема потреба од таква финансиска поддршка. Израелскиот премиер Бенјамин Нетанјаху засега јавно не ја коментирал најавата, додека американскиот амбасадор во Израел, Мајк Хакаби, побарал дополнително појаснување.