Многумина го започнуваат денот со шолја кафе, но експертите советуваат пред тоа да испијат чаша вода. Кафето на празен желудник кај некои луѓе може да предизвика дигестивни тегоби и привремено зголемување на крвниот притисок.

Кофеинот има благо диуретично дејство, односно може да го зголеми излачувањето течности преку урината. Овој ефект е поизразен кај луѓето што не пијат кафе редовно или консумираат поголеми количества. Сепак, умереното консумирање кафе обично не предизвикува дехидратација.

Кафето може да ги влоши и симптомите на гастроезофагеален рефлукс, односно враќањето на желудочната киселина во хранопроводот. Од друга страна, водата по будењето помага во одржувањето на хидратацијата и нормалното функционирање на дигестивниот систем.

Кофеинот може и привремено да го зголеми крвниот притисок, особено кај луѓето што ретко консумираат кафе.

Затоа, се препорачува денот да го започнете со чаша вода, а потоа да го испиете кафето. Сепак, водата не може целосно да го спречи влијанието на кофеинот врз крвниот притисок.