Во најновата провокативна кампања за еден италијански бренд, популарната „It girl“ покажа како се спојуваат сексапилот и високата мода, комбинирајќи ултра проѕирни, светкави хулахопки со танга.
Манекенката Хејли Бибер повторно привлече големо внимание со смелиот изглед што го сподели на социјалните мрежи. Фотографиите се дел од новата кампања за италијанскиот бренд „Calzedonia“, во која атрактивната Американка позира во проѕирни хулахопки со светки, црна танга и црн топ без прерамки.
View this post on Instagram
Ова издание доаѓа по нејзиното појавување на гала-вечерата во Музејот на Академијата, каде што се одлучи за нешто сосема поинакво: елегантен розов фустан од „Шанел“ со луксузни детали и отворен грб, комбиниран со соодветни сатенски сандали.
Објавата на Хејли на Инстаграм собра над еден милион лајкови и речиси 4.000 коментари за само еден ден.
View this post on Instagram
Како една од највлијателните модни личности денес, Хејли Бибер во интервју за „Vogue Australia“ минатиот февруари зборуваше за своите стилски избори: „Се водам според тоа како се чувствувам и според сопствените инстинкти. Секогаш сакам мојот стил да ја одразува мојата личност и моето моментално расположение“.
View this post on Instagram
Таа исто така истакна дека има силна наклонетост кон модата од 1990-тите, која често ѝ служи како главна инспирација при изборот на облека. „Чувствувам силна поврзаност со стилот од деведесеттите, бидејќи изгледаше толку природно и без напор, а тоа навистина ми се допаѓа. Мислам дека дури и наједноставните фармерки и маица можат да изгледаат многу секси“, нагласи таа.
View this post on Instagram
Таа е свесна дека има големо влијание врз уличната мода и ѝ е драго кога гледа девојки на социјалните мрежи кои се обидуваат да ја „копираат“; сепак, признава дека е малку веројатно некогаш да види некого на улица и да сфати дека токму таа била инспирацијата за тој изглед.
View this post on Instagram
Хејли Бибер е во брак со Џастин Бибер од септември 2018 година. Тие приредија раскошна свадбена прослава на имот како од бајките во Јужна Каролина, а во август 2024 година го добија своето прво дете – син по име Џек Блус Бибер.
View this post on Instagram
