Во околу триесет германски градови за утре се најавени протести организирани од иницијативата „Gen Z regelt“ („Генерацијата Z презема иницијатива“). По немирите и грабежите што се случија за време на протестите во Франција, германските трговци преземаат мерки на претпазливост. Во моментов, полицијата нема информации за конкретни планови за насилство.
Иницијативата „Gen Z regelt“ ги повика младите да се приклучат на протестите, барајќи поголеми инвестиции во училиштата и поддршка за менталното здравје, попристапни трошоци за живот и поправедна распределба на финансиските товари меѓу генерациите. Тие се залагаат за заштита на граѓанските права и климата, а истовремено се противат на повторното воведување на задолжителниот воен рок.
Kalifat Köln bereitet sich auf die »Schüler-Demos« am Samstag vor. GenZ wird das schon regeln. https://t.co/QxdLKYuHkf
— Dara 🇩🇪 (@Raeubertochtah) October 29, 2026
Организаторите тврдат дека собирите ќе бидат мирни; сепак, најавите предизвикаа загриженост по неодамнешните протести во Франција и други европски земји, за време на кои дојде до подметнување пожари, судири со полицијата и грабежи на продавници.
Германските трговци ги обезбедуваат своите објекти, додека полицијата ги следи повиците за акција на социјалните мрежи и се подготвува да распореди дополнителни сили.
Во Дизелдорф, на улицата „Кенигсале“ (Königsallee), една од најпознатите шопинг-улици во Германија, пред луксузните бутици се забележани скелиња и купишта дрвени плочи. Трговците, особено оние што продаваат накит и облека, размислуваат да ги држат продавниците затворени во текот на целиот ден, а излозите и фасадите да ги заштитат со дрвени панели. Некои планираат да ја отстранат стоката од излозите, па дури и целосно да ги испразнат продавниците.
„Никој од нас не знае што да очекува. Ова е мерка на претпазливост“, изјави Андреа Грунер, претставничка на здружението на трговци од „Кенигсале“.
@bild Berliner Luxusgeschäfte bereiten sich auf „Gen Z regelt“ vor! Auf dem berühmten Berliner Kurfürstendamm bietet sich vor den angekündigten Gen-Z-Protesten am Samstag ein ungewöhnliches Bild. Wo normalerweise teurer Schmuck und Luxusuhren in den Schaufenstern funkeln, stehen inzwischen massive Holzbarrikaden. Mehrere Händler haben ihre Geschäfte aus Sorge vor möglichen gewaltsamen Ausschreitungen vorsorglich gesichert. Quelle: NonstopNews #genzregelt #berlin #kudamm #halloween #news ♬ Originalton – BILD
Трговците се особено загрижени за скапите, наменски изработени излози, кои би биле тешки за замена непосредно пред божиќната сезона. Оваа загриженост е дополнително зголемена поради сликите од грабежи на луксузни продавници за време на протестите во Франција. Ланецот продавници за парфеми „Даглас“ (Douglas) исто така презема мерки, планирајќи утре превентивно да затвори 12 свои продавници во Германија. Компанијата не откри за кои конкретни локации станува збор. Портпарол изјави дека одлуката е донесена врз основа на проценка на ризикот и дека на засегнатите локации ќе бидат воведени дополнителни безбедносни мерки.
„Безбедноста на нашите вработени и купувачи е наш највисок приоритет“, рече портпаролот. Од „Даглас“ изразија надеж дека протестите ќе останат мирни.
