Британската пејачка Џеси Џеј (Jessie J) сподели фотографии од периодот по нејзината втора операција откако ѝ беше дијагностициран рак на дојка.
Џеси Џеј (38) се врати на социјалните мрежи по пауза и сподели фотографии од периодот на нејзиното закрепнување, вклучително и слики направени по нејзината втора реконструктивна операција.
На пејачката ѝ беше дијагностициран рак на дојка во 2025 година. По мастектомијата, во мај таа објави дека е излекувана од рак.
На една од фотографиите, Џеси позира во болнички наметка, покажувајќи палец нагоре, со краток опис: „За закрепнувањето“.
View this post on Instagram
За време на закрепнувањето, пејачката поминуваше време и со својот тригодишен син, Скај, споделувајќи фотографии од момчето без да му го покаже лицето.
„Најдобриот (и највисокиот) тригодишник“, напиша таа.
Таа исто така сподели фотографија на која се смее со својот син, со порака: „Никого не сакам повеќе од него“.
Ова беше нејзина прва објава на Инстаграм од септември, кога најави дека прави пауза од социјалните мрежи за да се фокусира на себе, на својот син и на своето закрепнување.
„Во најголем дел уживав во последните две години, иако во одредени моменти ги мразев; научив повеќе од кога било за себе, за тоа што сакам од животот и, пред сè, како сакам да се чувствувам“ – напиша таа во тоа време.
Таа објасни дека сака привремено да се повлече од социјалните мрежи и да се фокусира на реалниот живот.
„Се повлекувам од овој свет и се враќам во мојот реален свет. За да им посветам внимание на својот ум, тело и срце – ним им е тоа очајно потребно. За конечно да ја направам втората реконструктивна операција по ракот, да ја обновам енергијата, да заздравам, да се одморам, да го процесирам сè она што ми се случува, да се сакам себеси и своето момче, да го негувам следното поглавје од мојот живот и, што е најважно, да бидам присутна и навистина да живеам“, напиша Џеси.
