По неколкумесечна врска со Луис Хамилтон, Ким Кардашијан проговори за тоа колку е среќна и исполнета откако го запознала.
Луис Хамилтон – новото момче на познатата реалити ѕвезда и претприемачка Ким Кардашијан – сè почесто се спомнува во реалити шоуто „Кардашијанови“ (The Kardashians). Во новата епизода Ким неколку пати индиректно алудираше на возачот од Формула 1, со кого е во врска од февруари.
Двојката ја потврди својата врска на Инстаграм во април, а претходно овој месец, Ким ја покажа својата поддршка присуствувајќи на Големата награда на Сингапур. Во разговор со продуцентите на шоуто, таа откри дека е „многу, многу среќна“.
View this post on Instagram
Која е приказната зад бројот 44?
На почетокот на епизодата, Ким разговараше за своето потекло со мајка ѝ Крис Џенер и сестра ѝ Клои, откривајќи дека е 44 отсто Британка. За време на разговорот со продукцискиот тим, еден од продуцентите укажа на интересната случајност дека овој процент се совпаѓа со бројот 44 – бројот под кој Хамилтон се натпреварува во Формула 1.
„Интересно е што сум 44 отсто Британка – ако ме разбирате што сакам да кажам“, рече Ким, ставајќи посебен акцент на бројот. „Можеби не ја сфативте поврзаноста.“
Листа од 55 карактеристики за идеален партнер
Подоцна во епизодата, 46-годишната Ким се наоѓаше на сетот од нејзиниот нов филм The Fifth Wheel, каде што повторно алудираше на Хамилтон, иако не го спомна по име. За време на разговорот, таа се потсети на листата што ја составила со квалитетите што ги бара кај еден партнер. Таа содржи речиси 55 ставки, а Ким вели дека е веќе прилично позната по оваа листа.
View this post on Instagram
Нејзината колешка, Ники Глајзер, потоа почна да составува своја листа. Додека излегуваа од гардеробата и се упатуваа кон сетот, Ким ѝ шепна на Ники дека постои некој што „ги исполнува апсолутно сите ставки од нејзината листа“. Името на таа личност е отсечено од снимката. Кон крајот на епизодата, Ким откри малку повеќе за својот љубовен живот. Во разговор со продуцентите, таа призна дека е „многу, многу среќна“, но веднаш додаде: „Тоа е сè што ќе кажам засега“.
„Да речеме само дека секоја поединечна точка од мојот список е исполнета“, продолжи таа.
„Зарем не е неверојатно? Секоја поединечна. Сите педесет и пет. Чувството е неверојатно кога, еден ден, ќе го погледнеш тој список и ќе сфатиш: ’Да! Да! Да!‘ Навистина е неверојатно.“
