Во текот на изминатата година, Лорејн Скот изгубила 27 килограми со помош на лекови, при што потрошила најмалку 300 долари за преправки на своите панталони и фармерки.
„Повеќето облека во мојот плакар ми стана преголема“, вели 42-годишната жена од Атланта, позната на YouTube како Лорејн Камеша. Таа одлучила да ги преправи своите омилени панталони бидејќи нејзината тежина постојано варира, а таа не сака да купува нови. Остатокот од гардеробата привремено го заменила со парчиња од брендови за „брза мода“ (fast fashion), пренесува „Ројтерс“.
Американците кои користат лекови за слабеење – како што се „Оземпик“ (Ozempic) на „Ново Нордиск“ (Novo Nordisk) и „Мунџаро“ (Mounjaro) на „Ели Лили“ (Eli Lilly) – сè почесто се обраќаат кај чевлари и кројачи. Како што слабеат, тие се обидуваат да заштедат пари преку поправка на постоечката облека и обувки. Ова е поттикнато од високите трошоци за живот, како и од цената на самите лекови, при што сè поголем број американски работодавачи престануваат да ги покриваат трошоците за GLP-1 терапиите.
Специјалистите за поправка на кожни производи забележаа значителен пораст на обемот на работа во текот на изминатата година, што се должи на клиентите кои доживуваат брзо губење на тежината. Барањата не се ограничуваат само на скратување на ремените на панталоните; тие вклучуваат и прилагодување на ремчињата на обувките и чантите.
Ozempic wave boosts US cobblers and tailors as Americans tighten their belts
https://t.co/mgUZX9oO3n— Economic Times (@EconomicTimes) October 22, 2026
Оваа зголемена побарувачка за поправки го истакнува влијанието што лековите за слабеење го имаат врз секторот за малопродажба. Додека некои сегменти од индустријата имаат корист од овој нов тренд, други се соочуваат со тешкотии при прилагодувањето. Според податоците на „Галуп“ (Gallup), околу 11 отсто од возрасните Американци користат GLP-1 лекови, што создава потреба за достапни решенија за гардеробата кај милиони луѓе.
Стивен Кели, извршен директор на „Коблерс директ“ (Cobblers Direct), вели дека нивната услуга за скратување ремени бележи двоцифрен годишен раст. Неговата компанија претставува онлајн сервис за поправка на обувки и чанти, со 25 локации во Тексас и можност за испраќање предмети на поправка по пошта од целата земја.
Наскоро, стотина занаетчии од компанијата ќе работат во нов објект во Остин, со површина од речиси 2.800 квадратни метри. Кели напоменува дека во моментов тие скратуваат и до 500 ремени неделно. Тој опишува како клиентите влегуваат во нивните продавници со пет или шест ремени префрлени преку рамениците. Откако ќе им се направат дополнителни дупки, некои дури бараат да го задржат отсечениот дел од кожата како еден вид трофеј.
„Вадат ремен за да покажат колкав им бил обемот на половината претходно, а потоа повторно го затегнуваат“, вели Кели. Истражување спроведено од платформата за телездравство „Трими“ (Trimi) меѓу повеќе од 700 возрасни Американци покажа дека околу 80 отсто од корисниците на лекови од типот GLP-1 носат облека што веќе не им одговара. Во просек, тие чекаат шест месеци пред да купат нови парчиња облека. Фармерките претставуваат најголем проблем; дури 90 отсто од корисниците се жалат дека тие веќе не им стојат добро.
Друга причина за воздржаноста при купување нова гардероба произлегува од наодите на истражувачи од Универзитетот во Кембриџ. Нивната студија, објавена оваа година, покажува дека во рок од една година по прекинот на терапијата, луѓето во просек си враќаат 60 отсто од тежината што претходно ја изгубиле.
The growing popularity of GLP-1 treatments from $NVO and $LLY is creating unexpected business opportunities for tailors, cobblers, and secondhand clothing retailers.
According to Reuters, millions of Americans using weight-loss medications are looking for affordable ways to adjust their wardrobes as their body sizes change.
Several interesting findings:
• Approximately 11% of U.S. adults are using GLP-1 medications for weight loss, according to Gallup.
• A survey by Trimi found that around 80% of GLP-1 users are wearing clothes that no longer fit, with 90% reporting problems with the fit of their jeans.
• Cobblers Direct is experiencing double-digit annual growth in its belt-shortening business, now shortening as many as 500 belts per week.
• Stitch Fix estimates that at least 20% of its new customers are taking GLP-1 medications and seeking help finding clothes in new sizes.
• Secondhand clothing platform ThredUp is also seeing customers shift toward smaller sizes, particularly jeans.
Many patients are reluctant to invest in entirely new wardrobes while their weight continues to change, benefiting clothing alteration services, discount retailers, and secondhand platforms.
The trend is another example of how the growing adoption of GLP-1 treatments is influencing consumer behavior and creating opportunities across industries far beyond pharmaceuticals.
Link: https://t.co/a45KbWAK61
— Investseekers (@investseekers) October 22, 2026
Во семејната работилница „Jim’s Cobbler Concierge“ на Менхетен, минатата година клиентите почнале масовно да носат ремени за скратување, вели Си-Џеј Бургос, директор за односи со клиенти. Трендот станал толку изразен што во работилницата го нарекле „Belt-zempic“ (игра на зборови со името на лекот „Оземпик“). Бургос додава дека кај корисниците на лекови од типот GLP-1 се забележува дури и намалување на стапалата, што доведува и до зголемена потреба за прилагодување на обувките.
„Тоа му помогна на нашиот бизнис, но им помогнавме и на нашите клиенти да заштедат пари“, вели Бургос. Тој и самиот ги скратил своите ремени откако ослабел околу 27 килограми со помош на „Оземпик“.
Можност и за трговците со половна облека
Корисниците на лекови од типот GLP-1 заштедуваат пари на неколку начини. Сè поголемата популарност на овие лекови во САД им оди во прилог и на синџирите продавници со пониски цени, како и на платформите за продажба на половна облека. Многу луѓе одложуваат купување нови парчиња облека сè додека нивната големина не се стабилизира. Алон Ротем, директор за стратегија во онлајн продавницата за половна облека „ThredUp“, истакнува дека влијанието на лековите од типот GLP-1 се разликува од другите пазарни трендови според својот „обем и брзина“.
Купувачите преминуваат на помали големинии – тренд што е особено видлив кај фармерките. Ротем наведува дека 43 отсто од клиентите, кои претходно носеле фармерки со обем на половината поголем од 28 (инчи), сега купуваат помали големини отколку кога првпат се регистрирале на „ThredUp“.
Онлајн сервисот за лично стилизирање „Stitch Fix“ сега нуди повеќе облека со прилагодливи големини и материјали што се тегнат. Извршниот директор Мет Баер вели дека целта е на луѓето кои брзо губат тежина да им се понуди „соодветна облека за преодниот период помеѓу големините“. Баер проценува дека најмалку 20 отсто од новите клиенти на компанијата се на терапија со лекови од типот GLP-1 и им е потребна помош при наоѓањето на соодветната големина.
„Отсекогаш знаевме дека половната стока и препродажбата се популарен избор за луѓето кои минуваат низ животни промени“, вели Ротем од „ThredUp“. „Сега гледаме дека лековите од типот GLP-1 ставаат сè повеќе луѓе во таква ситуација, па затоа се фокусираме токму на нив.“
Текстот Американците сè повеќе користат „Оземпик“, кројачите со полни раце работа е превземен од МАКФАКС.
